اسلام آباد۔ 26 جنوری (اے پی پی) بنجائی وزیر حوالکاری و شینکاری چوہدری فواد حسین پارینے کہ نن منظم مافیاتتون مون تننگ اُن، جہانی بینک پاکستان نا 37 درسد شونداری ءِ پک کننگ ءِ، کورونا نا دین اتون مون تننگ نا حکومتی پالیسی تا جہانی کہول آ ستا مننگ ءِ تو دُن انگا وخت اٹی ٹرانسپرینسی انٹرنیشنل نا بے سروپا رپورٹ بریک ہرادے نئے نت ارے نئے کاٹم و اسہ …
نن منظم مافیا تتون مون تننگ اُن، بنجائی وزیر حوالکاری چوہدری فواد حسین نا ٹویٹ
گیشتریں ھال
اسلام آباد۔ 26 جنوری (اے پی پی) بنجائی وزیر حوالکاری و شینکاری چوہدری فواد حسین پارینے کہ نن منظم مافیاتتون مون تننگ اُن، جہانی بینک پاکستان نا 37 درسد شونداری ءِ پک کننگ ءِ، کورونا نا دین اتون مون تننگ نا حکومتی پالیسی تا جہانی کہول آ ستا مننگ ءِ تو دُن انگا وخت اٹی ٹرانسپرینسی انٹرنیشنل نا بے سروپا رپورٹ بریک ہرادے نئے نت ارے نئے کاٹم و اسہ پریس ریلیز اسے آ ہیڈ لائن لگک۔ چارشنبے نادے آ تینا اسہ ٹویٹ اسے ٹی اوپارے کہ ٹرانسپرینسی انٹرنیشنل نا رپورٹ پاہک کہ پاکستان اٹی رول آف لاء ٹی تنزلی مس ولے کس اسے سمااف اوانت اکن داوڑ پاننگ ءِ؟، رپورٹ اٹی مالیاتی کرپشن نا ذکر ہم اف ولے پریس ریلیز اٹی ہندن ءُ کسہ گنڈنگا کہ کرپٹ اپوزیشن نا ہم جیرت مس کہ حکومت آ تنقید کے۔ اوپارے کہ ن لیگ و فضل الرحمان عمران خان نا حکومت ءِ کرپٹ پار، دادے آسمان آ تُف کننگ پاننگک۔
