اسلام آباد۔ 26 جنوری (اے پی پی) وزیراعظم آزاد کشمیر سردار عبدالقیوم نیازی پارینے کہ بھارت پن انا جمہوریہ مننگ نا دعویٰ کیک ولے 74 سال آن اقوام متحدہ نا قرارداد آتیا عمل کننگ آن نمن ءِ، و کشمیر آ غاصبانہ کوزہ کرینے، دنیا ءِ ہندوستان نا مون آ دروشم بایدے نظر برے، ہندوستان 9 لکھ کوزہ گیر فوج و آرایس ایس نا بدماش آتا کمک اٹ کشمیری تے گھیڑ کرینے۔ چارشنبے نادے آ ہندوستان نا پن انا یوم جمہوریہ کشمیری تا تہاردے انا بابت خصوصی کلہو اٹی پارے کہ بھارت جمہوری ملک اس مننگ نا تو شئیر تو خلیک ولے حقیقت اٹ انتہاپسند ریاست اسے، ہندوستان 74 سال آن کشمیری تے استصواب رائے آن محروم تخانے، ہندوستان مقبوضہ کشمیر اٹ ظلم و بربریت ءِ برجاتخانے۔ سردار عبدالقیوم نیازی پارے کہ دنیا ءِ ہندوستان نا مون انگا دروشم بایدے نظربرے، ہندوستان 9 لکھ کوزہ گیر فوج و آرایس ایس نا بدماش آتا کمک اٹ کشمیری تے گھیڑ کرینے۔ وزیراعظم پارے کہ کشمیریک دنیاٹی ہراڑے کہ اریر بھارت نا جمہوریہ دے ءِ تہار دے انا وڑاٹ اڈایتر، ہندوستان مقبوضہ کشمیر اٹی آرٹیکل 370 و 35 اے ءِ چٹفسا داسہ ہموجاگہ نا ڈیموگرافی ءِ بدل کننگ ءِ۔
