اسلام آباد۔ 26 جنوری (اے پی پی) بنجائی وزیر امور کشمیر و گلگت بلتستان علی امین خان گنڈاپور پارینے کہ بھارت اسہ ہندو انتہاپسند فاشت ملک اس جوڑ مسنے ، ہندو انتہاپسندتنظیمک بھارت اٹی مسلمان تا نسل کشی کن الس ءِ پاش آن پاش ہشکا تننگ ءُ۔ بھارت نا پن انا جمہوریہ دے انا وخت آ تینا بیان اٹی علی امین گنڈاپور پارے کہ جمہوریہ دے ءِ اڈتننگ آن بھارت دنیا نا خن تے تفنگ کپک، بھارت مقبوضہ کشمیر اٹی کشمیری تا نسل کشی ءِ کننگ ءِ، کشمیریک بھارت نا جمہوریہ دے ءِ تہاردے انا وڑاٹ اڈتننگ ءُ۔ علی امین گنڈاپور پارے کہ مقبوضہ کشمیر نا الس عزم و استقلال نا درور اس جوڑ مسنو، مقبوضہ کشمیر نا الس تینا حق خودارادیت کن تینا جہد ءِ برجاتخک، جہانی برادری بھارت اٹی اقلیت آتا رکھ و کشمیری تے حق خودارادیت ترفنگ کن عملی گام گیج کے۔
