راولپنڈی۔ 26 جنوری (اے پی پی) سری لنکا نا وزیر واپار داکٹر بندولہ گوناوردھنے پارینے کہ پاک سری لنکا واپاری کچ ءِ ودفنگ کن دمدستی گام گیج آتا گرج ءِ، سری لنکا نا ایکسپورٹرز پاکستان اٹی ٹیکسٹائل، الیکٹرانک مصنوعات و ناریل نا گڑابرآمد کننگ کیک، سری لنکا پاکستان نا نیام اٹ آزاد واپاری معاہدہ 2005 اٹی طے مس، ولے ایف ٹی اے نا بھرمک حقی لائخی آن کم ءُ۔ اوفتے ٹی ودکی نا گرج ءِ۔ آرسی سی آئی ترجمان پارے کہ داخیال آتا درشانی ءِ او ڈل اتون اوار راولپنڈی چیمبر نا دورہ نا وخت آ کرے۔ اوڑتون اوار اسٹیٹ منسٹر علاقائی واپار تھراکابالاسوریاہائی کمشنر موہن وجے وکرما، سری لنکا ٹی تعینات کمرشل قونصلر مزاسما، ڈائریکٹر اکنامک افیئرز پروفیسر ڈاکٹر سج مینڈس، بڑزکوواپاری و سفارتی کمکارآک ہم ئسر۔ سری لنکا نا وزیر مملکت علاقائی کمکار تھاراکابالاسوریا داوخت آ پارے کہ پاکستان و سری لنکا نا نیام اٹ 500 ملین ڈالر نا واپار گمان آن بھاز کم ءِ۔ اوپارے کہ سری لنکا ٹی پچ انا صنعت اٹ بے پناہ وارخواہی ساڑی ءِ۔ پاکستان سری لنکا نا متکن آ سنگت ءِ، ہراہرمشکل وخت اٹی سری لنکا تون تفے۔ اوپارے کہ پاکستانی زرکارآتیکن اسپیشل اکنامک زون جوڑ کننگانے۔
