اسلام آباد۔ 26 جنوری (اے پی پی) وزیراعظم نا خصوصی نمائندہ بین المذاہب ہم آہنگی و دے ٹک نیامی و امور پاکستان علما کونسل نا چیئرمین حافظ محمد طاہر محمود اشرفی پارینے کہ راج انا جوڑ کننگ اٹ تعلیم یافتہ زالبول آتا کڑد بھاز اہمیت تخک، آئین پاکستان زالبول آتے پورو حق فراوان کیک، آئین غٹ اقلیت آتے ہم بریبر نا حق تسنے۔ داخیال آتا درشانی ءِ او راج اٹ زالبول اسلامک اسکالرآتا کڑد انا بابت سیمینار آن تران کرسا کرے۔ حافظ محمد طاہر محمود اشرفی پارے کہ راج انا جوڑ کننگ اٹ تعلیم یافتہ زالبول آتا کڑد بھاز اہمیت تخک، اسلام نا اولیکو گواہی ءِ حضرت خدیجہ تسوسس، خلفائے راشدین نا دور اٹی ہم ریاستی امور اٹ زالبول آک تینا کڑد ءِ ادا کریر، اسلام زالبول آتے تعلیم و کاروبار آن منع کپک، اوپارے کہ ساڑی آ دور اٹی پاکستان و عالم اسلام اٹ زالبول آتا کڑد بھاز اہم ءِ ، اسلام مسن تا ودی مننگ ءِ خوشخبری اٹ تشبیہ تس و نیاڑی ءِ میرات اٹ بشخ تننگ ناپرمان کرے وخت اس کہ ننا راج اٹ جائیداد نا لالچ اٹ مسن تا برام تے کرفنگپک۔ اوپارے کہ لب راج اٹ اسہ ہندن ءُ برائی اسے ہرانا سوب آن گیشتر زالبول آتا برام تیٹی اڑاند بریک۔ اونا پاننگ ئس کہ آئین پاکستان زالبول آتے پورو حق فراوان کیک، آئین پاکستان غٹ اقلیت آتے ہم بریبری نا حق تسنے۔ حافظ محمد طاہر محمود اشرفی پارینے کہ اسلام اٹی زوراکی اٹ برام تا ہچ ءُ گنجائشت اس اف، لمہ و باوہ غا لازم ءِ کہ او چناتیان خڑک مریر، واوفتے تون مشفقانہ رویہ اختیار کیر۔ اوپارے کہ راج اٹ طلاق نا کچ خوفناک حداسکان ودانے ہرانا مون ءِ توننگ نا گرج ءِ۔ اونا پاننگ ئس کہ پاکستان نا کلہو ءِ ملک انا طول وعرض اسکان سرکننگ نا ءِ۔
