اسلام آباد۔ 26 جنوری (اے پی پی) وزیر مملکت حوالکاری و شینکاری فرخ حبیب پارینے کہ کوویڈ۔ 19 نا جہانی دین و جہانی کہول آ دہ سال نا غٹ آن زیات کبینی تون اوار ایلو زرگزرانی چیلنج آتیان پد ہم پائیدار شونداری نا 5.37 درسد کچ حکومت نا سرسہبی ءِ، اینخو مالی سال انا اولیکو ششماہی ٹی برآمد، ٹیکس وصولی، اجناس نا پیدوار اٹی ریکارڈ ودکی مسنے۔ چارشنبے نادے آ تینا ٹویٹ اٹی وزیر مملکت فرخ حبیب پارے کہ مالی سال نا اولیکو ششماہی ٹی آئی ٹی برآمدات 35.8 درسد، ایف بی آر خراج وصولی 32.4 درسد، اسٹیٹ بینک ریزرو31.8 درسد، ٹیکسٹائل برآمدات 26 درسد، سروسزبرآمدات 20.4 درسد، زررادہ کننگ اٹ 13.3 درسد ودکی مسنے۔ اوپارے کہ کرپاس ، برنج، گنڈیری ، خولم و مکئی نا فصل آتا پیدوار اٹی ودکی مسنے ہراڑآن بزغر آتون ارب روپئی نا ودکی کٹیا بسنے و بزغرآتا قوت خرید اٹی ہم ودکی مسنے۔
