اسلام آباد۔ 26جنوری (اے پی پی) اسٹیٹ بینک پارینے کہ اسپین اٹی کاریم کروک آ پاکستانی تا زررادہ کننگ اٹ برجامالی سال نا اولیکو ششماہی ٹی سالانہ بنداو آ 37.7 درسد ودکی مسنے۔ بینک انا کنڈآن جاری حساب وکتاب نا رداٹ اینخو مالی سال انا اولیکو ششماہی ٹی اسپین اٹی کاریم کروک آ پاکستانیک 218.2 ملین ڈالرنا زرمبادلہ ملک آ گدریفیر ہرا تدوک آ مالی سال نا ہندا مد انا مقابلہ ٹی 37.7 درسد زیات ءۃُ، تدوک آ مالی سال نا ہندا مد اٹی اسپین اٹی کاریم کروک آ پاکستانیک 158.4 ملین ڈالر ز نا زرمبادلہ ملک آ گدریفیسر۔ دسمبر 2021اٹی اسپین آن زررادہ کننگ نا کچ 38.8 ملین ڈالر ریکارڈ کننگا ہرا دسمبر 2020اٹی 31.9 ملین ڈالر ئسر۔ یات سلے کہ برجامالی سال نا اولیکو ششماہی ٹی سمندر پارپاکستانی تا زررادہ کننگ اٹ سالانہ بنداو تیا 9.7 درسد نا نمو ریکارڈ کننگا وخت اس کہ تدوک آ مالی سال اٹی زررادہ کننگ اٹ سالانہ بنداو تیا 26.9 درسد نا نمو ریکارڈ کننگاسس۔
