سرینگر۔25جنوری (اے پی پی):کنٹرول لائن ءِ دوئیں نیمگ ءُ سرجمیں دگنیا ءَ نندوکیں کشمیری (باندات) چار شمبے ءِ روچ ءَ بھارت ءِ یوم جمہوریہ ءَ را یوم ءِ سیاہ ءِ رنگ ءَ برجم دار انت، ایشی ءِ مول ءُ مراد بھارت ءِ نیمگ ءَ کشمیری آنی وت واجئی ھک ءَ گوں یک شل ءَ بُکگ ءِ ھلاپ ءَ وتی جاک ریکاٹ کنگ انت۔ کشمیر میڈیا سروس ءِ رد ءَ یوم سیاہ برجم دارگ ءِ اپیل کل جماعتی حریت کانفرنس ءِ گیر کانودی رنگ ءَ نظر بند چیئرمین مسرت عالم بٹ ءَ داتگ وھدیکہ کل جماعتی حریت کانفرنس ءِ ایندگر توامیں سروک آں ایشی ءِ حمایت کتگ۔ باندات بھارت ءِ گیر کانودی رنگ ءَ کپاریں جموں ءُ کشمیر ءَ سرجمیں ہڑتال ءُ آزات کشمیر، پاکستان ءُ جتا جتائیں ملک آنی دارلحکومتءَ بھارت ءِ ھلاپ ءَ گیر کانودی رنگ ءَ کپاریں جموں کشمیر ءَ سرجمیں ہڑتال ءُ آزات کشمیر ، پاکستا ن ءُ جتا جتائیں ملک آنی دارالحکومت ءَ بھارت ءِ ھلاپ ءَ جاک ءُ کوکار ءُ ریلی در کنگ بیت تانکہ میاں اوستمانی برات آناں کلوہ دیگ بہ بیت کہ بھارت آئی ءَ کشمیری آنی توامیں بنیاتی ھک آناں رلگت مال کتگ ۔ آواناں یوم ءِ جمہوریہ جوڑ کنگ ءِ ھک است انت۔ پوسٹر آنی وسیلگ ءَ کشمیری الس آں چہ بھارتی یوم ءِ جمہوریہ ءِ سرکاری گشتانک ءِ بائیکاٹ کنگ ءُ وتی گس، دکان ءُ ایندگر ماڑی آنی تہ ءَ سیاھیں بیرک ءِ ٹنگگ ءِ اپیل کنگ بوتگ۔ اے ھولگ ءَ بھارت ءِ گیر کانودی کپار بوھگ ءَ جموں ءُ کشمیر ءِ جتا جتائیں دمگ آنی گوستگیں یک ھپتگے ءَ یک شل ءَ پوسٹر ٹنگگ بوھگ ءَ انت۔
