بھارت ءَ  کسد ءُ  کینگ ءِ آچ   دمگ ءَ انت ءُ پاکستان  دل آناں  ملارینگ ءَ  انت، مارا دو  راجی لیکہ  ءِ سر ءَ پھر انت،  سی پیک ءَ چہ معاشی ارزشت  گیش بوتگ،  صدر ءِ مملکت عارف علوی  ءِ کیڈک کالج گھوٹکی ءَ کیڈٹس ءَ گوں گشتانک

سکھر۔25جنوری  (اے پی پی):صدر مملكت عارف علوی  ءَ گوشت کہ بھارت ءَ کسد ءُ کینگ ءِ آچ لہڈ جنگ ءَ انت ءُ پاکستان دل آناں  ملارینگ ءَ انت ، مرا دو راجی لیکہ ءِ سر ءَ پھر انت،  وھد ءِ بھارتی حکومت مسلمان آنی ھلاپ ءَ ظلم ءِ  کسہ  نکش کنگ ءَ گوتگ گڈا  ھمے وھد ءَ دو راجی  لیکہ گیش لہڈ جنگ ءَ انت۔  پاکستان دیمروئی کنگ ءَ انت ءُ سی پیک ءَ چہ پاکستان ءِ معاشی ارزشت  گیش بوتگ۔  اے ھیالانی درشانی آءی ءَ سئے شمبے ءِ روچ ءَ  کیڈٹ کالج گھوٹکی ءَ کیڈٹس  ءَ  گوں گشتانک دیان ءَ کت۔ صدر ءِ مملکت عارف علوی ءَ گوشت کہ کیڈٹ کالج ءِ تاریخ   جوان بوتگ۔  چاگرد   ھاسیں رنگ ءَ   پاکستان ءِ ارد ءِ واستہ  اے کالج آنی تہ ءَ  مزن وانگ ءُ زانتکاریں مردم پیداک  کتگ۔  اے ادارگ آںی تہءَ میرٹ  مہ بیت گڈا  مردم آنی ازمت  زیان بیت۔  میرٹ  ءِ پامالی ءَ چہ ادارگ تباہ  بوھگ  ءَ انت۔   اے وھد ءَ  چاگرد ءِ ضلورت  انت کہ معیشت  گہتر بہ بیت  ایشانی نودربر آناں تیار کنگ لوٹ ایت۔  صدر مملکت ءَ گوشت کہ نودربر  انفارمیشن ٹیکنالوجی ءِ سر ءَ  دلگوشی بہ دینت، ملک ءَ ھاموشیں آشوب ءِ پیداک انت۔ صدر ءِ مملکت  عارف علوی ءَ گوشت کہ اخلاقیات  ءِ ھوالگ ءَ چہ  دیم ءَ جنزگ ءَ آں۔  پاکستانی راج اخلاقی  رنگ ءَ مھکمیں  راج  ءِ سہرا بوتگ ءُ دیم ءَ  اتکگ۔   الس دروگیں گپ آنی نیمگ ءَ  دلگوش مہ دینت پیسر ءَ چہ توامیں  حکومت آں اوگان لڈ ءُ بار کنوک  آنی  اچبر گپ نہ کتگ بوتگ۔  ما اوگان جیڈھ ءَ را دگنیا ءِ دیم ءَ پیش کتگ۔  پاکستان  ءَ چل لکھ اوگان لڈ ءُ  بار کنوک است انت۔   اچبر اچ کس ءَ  بُکگ  نہ جتگ۔  صدر ڈاکٹر عارف علوی ءَ گوشت کہ دو راجی لیکہ ءِ سر ءَ  پھر انت۔