سکھر۔25جنوری (اے پی پی):خاتون اول بیگم ثمینہ علوی ءَ زالبول آناں کزبی ھیل کاری ءِ وسیلگ ءَ وت مستر جوڑ کنگ ءِ ضلورت ءِ سر ءَ زور پر داتگ کہ آ وتی مالی ضلورت آناں سرجم کنگ ءُ ھاندان ءِ کفالت ءِ گوما راجی دیمروئی ءَ وتی کرد پیلو کنگ ءِ لائک جوڑ بوت بکن انت۔ اے ھیالانی درشانی آئی ءَ سئے شمبے ءَ گورنمنٹ پولی ٹیکنیک انسٹی ٹیوٹ برائے زالبول سکھر ءِ تر ءُ تاب ءِ موہ ءَ کت۔ آئی ءَ گوشت کہ استیں حکومت ھما روچ ءَ سروکی ءَ اتکگ چاگرد ءِ پزگریں تبک ءَ را ریلیف پجاری ءِ واستہ گیشاں چہ گیش کوشست کنگ ءَ انت۔ آئی ءَ گوشت کہ حکومت پاکستان ءَ را دیمروئی ءِ کشک ءَ رھادگ کنگ ءِ واستہ زالبول آناں وت مستری جوڑ کنگ ءِ واستہ جزمیگ انت ءُ جتا جتائیں اسپیشلیں مردم آناں کزبی ازمکار جوڑ کنگ ءِ واستہ آواں ھمگام کنگ ءِ واستہ ھمک رنگیں کمک کنگ ءِ سوگند کتگ۔ بیگم ثمینہ علوی ءَگ وشت کہ زالبول آناں پوسٹ کنگ ءَ چہ پیسر مزوری ءِ لوٹ آنی رد ءَ کزبی ھیل کاری پجاری کنگ ءِ ضلورت انت تانکہ آ ناں ایوک ءَ وت مستر بہ بنت بلکینگ ءَ وتی ھاندان ءِ ھرچ ءُ درچ ءَ را بہ سگ انت۔
