اسلام آباد۔ 25 جنوری (اے پی پی) بنجائی وزیر ڈٹ بندی ، شونداری و اصلاحات و خصوصی گام گیج اسد عمر پارینے کہ پبلک پرائیویٹ پارٹنر شپ نا رداٹ کراچی سرکلر ریلوائی نا منظوری ءِ تننگانے۔ سے شنبے نادے آ تینا ٹویٹ اٹی اوپارے کہ پبلک پرائیویٹ پارٹنر شپ بورڈ انا دیوان نا کماشی ءِ کرے ہرا پوسکن آ کراچی سرکلر ریلوائی ڈٹ اکن پروجیکٹ نا سلاہ و لین دین نا پنجر نا منظوری ءِ تس۔ دا43 کلومیٹر نا ٹریک اس مریک، ہراٹی 30 اسٹیشنز و سواری تا کچ ہڑدے 4 لکھ آن گدرینگک۔ داڑآن کراچی نا ٹرانسپورٹ نا حالیت بدل مریک۔
