اسلام آباد۔24جنوری (اے پی پی): وزیر ءِ درئی کار مخدوم شاہ محمود قریشی ءَ گوشتگ کہ پاکستان، سری لنکا ءِ گوما دو نیمگی یکوئی آناں ھاسیں ارزشت دنت۔ اے گپ آئی ءَ سری لنکا ءِ وزیر ءِ تجارت ڈاکٹر بندولا گناور دھنا ءُ ریاستی وزیر برائے دمگی کمک تھرا کا بالا سوریا ءَ گوں تران کنان ءَ گوشت آئی ءَ دو شمبے ءَ کاروباری ڈل ءِ ھمبراھی وزارت ءِ درئی کار ءَ آئی ءَ گوں گند ءُ نند کت ۔ گند ءُ نند ءِ ساھت ءَ دو نیمگی یکوئی، گیش یکجائی شوبگ آنی تہ ءَ دو نیمگی یکوئی آنی دیمروئی ءَ ھوار دمگی ءُ میاں اوستمانی کار آنی سر ءَ ھیال ریچی کنگ بوت۔ وزیر ءِ درئی کار ءَ گوشت پاکستان ءُ سری لنکا ءِ نیام ءَ تجارت، سرمایہ کاری، سیل ءُ سواد ، کشت ءُ کشار ءُ دیمپانی ءَ ھور واھگی کار آںی بازیں شوبگ آنی تہ ءَ کمک آناں گیش ودینگ ءِ موہ است انت۔
