اسلام آباد۔24جنوری (اے پی پی): مزن وزیر عمران خان ءَ را ابوظہبی ءِ ولد عہد ء ُ متحدہ عرب امارات ءِ سلاہ بندیں فوج آنی ڈپٹی سپریم کمانڈر محمد بن زید ءَ دوشمبے ءِ روچءَ لاہور ءَ ناشرکاری ءِ وئیل ءَ جانی نقصان ءَ را ایر جتگء ُ آماچیں حانداناں گوں دلپدردی ءِ درشانی کتگ۔ دوشمبے روچءَ مزن وزیر کارگس ءِ میڈیا ونگ ءَ چہ جاری بیان ءِ ردءَ ابوظہبی ءِ ولی عہد ءَ 20 جنوری 2022ءَ لاہور ءَ بوتگیں ناشرکار ی ءَ را ایر جتگ ، کہ آئی ءِ تہا سئے مردم بیران ء ُ بازینے ٹپیگ بوتگ۔ آئی ءَ درائیں آماچیں مردماں گوں دلپدردی ءِ درشانی کتگء ُ ٹپیگانی جانء ُ سلامتی ءِ دعا کتگ۔ ولی عہد ءَ پاکستان ءِ حکومت ء ُ اُلس ءِ گوں یکوئی ءِ درشانی کتگ۔ مزن وزیر ءَ دلپدردی ء ُ یکوئی ءِ درشانی کنگءَ ولی عہد ءِ شکرء ُمنت گپتگءُ متحدہ عرب امارات ءِ گوما دونیمگی سیادی ءَ را گیش محکم کنگ، بازیں فورم آنی سرءَ کمک ءَ را گیش کنگ ء ُ دونیمگی ھدوناکی ءِ دمگی ء ُ میاں استمانی پڑءَ نزیکی ءَ را برجاہ دارگءِ پاکستان ءِ واہشتءِ درشانی کتگ۔
