کراچی۔24جنوری (اے پی پی): ملک مستر ڈاکٹر عارف علوی ءَ وانگ ء ُ زانگی ادارگاناں پنتء ُ شون کتگ کہ آ ورناہ آناں ہنر مند کنگ ءِسرءَ دلگوشی بہ کن اَنت تنکہ ملک دیمروئی بہ کنت۔ اے گپ آئی ءَ دوشمبےءِ روچءَ اقرا یونیورسٹیءِ 19 می سند بھرء ُ بانگ کنگءِ جلسہ ءَ گوں تران کنان ءَ کتگ۔ ملک مستر عارف علوی ءَ ازمی وانگ ء ُ زانگ ءِ ارزشت ءِ را چمشانک داتگ ء ُ گشتگ کہ مئے وانگ ءُ زانگ ءِ حاسیں بھرآنی تہا مئے ورناہیں نسل آنی زانت کاریاں گیش کنگ ءِ منطقی ھیال ء ُ پکر ء ُکمیونیکیشن سکلز ءَ را گیش کنگ بہ بیت چیا کہ مُچ آباتی ءِ تہا 30 سال ءَ چہ کم 64 درسد مردم ہوار اَنت۔ آئی ءَ اقرا یونیورسٹی ءِ کرد ءَ را ساڑاتگ۔ آئی ءَ ٹیکنالوجی ءِ ارزشت ءِ سرءَ زور پِر داتگ ء ُ گشتگ کہ آیوکیں 10 سالانی تہا بازیں چیزے مٹ بنت، دنتان زانتی ءِ 80 درسد علم آن لائن اَست اِنت، 40 ءَ چہ گیش د یونیورسٹی آنی چانسلر بوہگ ءِ ارزشت ءَ چہ ائرایجوکیشن ء ُ یونیورسٹی آنی عہدگ داراں گوں گندء ُ کتگ ءُ نوکیں ترز ءِ وانگء ُ زانگ ءِ بازیں تک ء ُ پناتانی سرءَ ھیال ء ُ لیکہ ءِ درشانی کتگ۔
