کابینہ نا خصوصی کمیٹی پاکستان و برطانیہ نا نیام اٹ ریٹرنز اینڈ ری ایڈمشن معاہدہ نا بابت سلاہ و سوج آتےگڈیکو دروشم اس تس، وزارت داخلہ

اسلام آباد۔ 24 جنوری (اے پی پی) کابینہ نا خصوصی کمیٹی پاکستان و برطانیہ نا نیام اٹ ریٹرنز اینڈ ری ایڈمشن معاہدہ نا بابت سلاہ و سوج آتے گڈیکو دورشم اس تس۔ معاہدہ نا مسودہ ءِ سلابت کن برطانوی حکومت آ ہم گدریفنگ آن پد حتمی منظوری کن بنجائی کابینہ ٹی پیش کننگک۔ دوشنبے نادے آ وزارت داخلہ نا کنڈآن جاری بیان نا رداٹ دا معاہدہ نا بابت خصوصی کابینہ کمیٹی نا دیوان وزارت داخلہ ٹی بنجائی وزیر داخلکہ شیخ رشید نا کماشی ٹی اڈ ہلک ہراٹی وزیر خارجہ مخدوم شاہ محمود قریشی، بنجائی وزیر انسانی حق شیریں مزاری آن بیدس بنجائی سیکرٹری وزارت کانود ،جوائنٹ سیکرٹری داخلہ تون اوار ایلو بڑزکو کمامدارآک ہم دیوان اٹی بشخ ہلکر وخت اس کہ بنجائی سیکرٹری داخلہ یوسف نسیم کھوکھر بذریعہ ویڈکانفرنس اٹی بشخ ہلک۔ کمیٹی پاکستان و برطانیہ نا نیام اٹ ریٹرنز اینڈ ری ایڈمشن معاہدہ نا بابت سلاہ و سوج آتے گڈیکو دروشم اس تس۔ کمیٹی معاہدہ نا مسودہ ءِ سلابت کن برطانوی حکومت تون شیئرکننگ نا فیصلہ کرے۔ معاہدہ نا رداٹ بیرہ ہموشاری تے پدی اتنگ نا موکل مریک ہرافتے تعلقدار عدالت آتیٹی سزا بنفنگانے۔ برطانیہ تون سلابت آن پد معاہدہ ءِ بنجائی کابینہ غان حتمی منظوری کن پیش کننگک۔ کابینہ کمیٹی پاک برطانیہ مجرمان حوالگی نا معاہدہ ءِ ہم زوت پورو کننگ نا فیصلہ کرے۔ مجرمان حوالگی معاہدہ طے مننگ آن پاکستان و برطانیہ نا نیام اٹ سزاکنوک بندغ آتا حوالگی ممکن مننگ کیک۔