اسلام آباد۔ 24 جنوری (اے پی پی ) ساڑی حکومت ڈیم تا تفنگ و کنوئی آ دیر اکن 96 ارب روپئی نا خڑچ انا ڈٹ سویلی بلوچستان شونداری پیکج اٹ اوار کرینے۔ پلاننگ کمیشن نا کمامدارآتا رداٹ بلوچستان اٹی کنوئی آ دیر انا فراوانی و فراوانی کن شادی کور اٹی ہڑدے ئی 50 لکھ گیلن و سواد اٹی ہڑدے ئی 25 لکھ گیلن آ کاریم کننگ انگ ءِ۔ گوادر اٹی دیر انا فراوانی کن ہڑدے ئی 12 لکھ گیلن دیر انا ڈٹ ہم سی ڈی ڈبلیو پی آن منظور ءِ۔ ہندا وڑ پتھن گزآن نوکھنڈی ، ضلع چاغی کن کنوئی آ دیر انا فراوانی نا اسکیم ہم بلوچستان ڈٹ آتیٹی اوار ءِ۔ بلوچستان ءِ دیر انا فراوانی کن ڈیم تا تفنگ نا ڈٹ ہم سویلی بلوچستان نا شونداری پیکج نا اہم ءُ بشخ اسے۔ دا ڈٹ آتیٹی 14.9 ارب روپئی نا آواران ڈیم انا ڈٹ، 12.9 ارب روپئی نا پنجگور سٹورج ڈیم، 15.2 ارب روپئی نا ونڈرڈیم اوار ءِ۔ گوادر اٹی بسول ڈیم انا تفنگ کن 18.7 ارب روپئی جتا کننگانے۔ 11.8 ارب روپئی نا گشکور ڈیم ، 4.4 ارب روپئی نا گرباڈیم و 2.6 ارب روپئی شازنیک ڈیم اکن جتا ءِ۔ حکومت پاکستان شونداری پیکج آتا رداٹ انفراسٹرکچر، بجلی، ڈیجیٹل کنیکٹوٹی نا ڈٹ آتون اوار اوار دیر انا ڈٹ آتیا ہم خاطرخواہ چکار کرینے۔ بلوچستان اٹی اسہ کنڈآ ننتون گوادر نا گیشتر بندرگاہ و سمندری دیر انا وسیلہ ساڑی ءِ ولے داڑے کنوئی آ ساف دیر انا فراوانی کون آ ویل ہم ارے۔ یات سلے کہ ساڑی آ فوڈ اینڈ ایگریکلچر آرگنائزیشن رپورٹ نار داٹ پاکستان دیر انا ویل آتا گواچی 36 ملک آتیٹی اوار ءِ۔
