اسلام آباد۔ 24 جنوری (اے پی پی) 8.1 ملین ایکڑفٹ دیر کوڑی کروک آ دیامربھاشاڈیم 2029 اٹی پورو مریک ہراڑآن سالانہ 18 ہزار 100 گیگاواٹ آورز بجلی ودی مریک۔ دیامربھاشاڈیم انا ہڑدے ئی بجلی نا پیدوار نا 4 ہزار 500 میگاواٹ ءِ۔ حوالی نا رداٹ دیامربھاشا ڈیم دریائے سندھ آ تفنگ انگ ءِ ہرا چلاس شار آن 40 کلومیٹر نا مری آٹے۔ دا ڈٹ ملکی دیر، خور و توانائی نا رکھ اکن بھاز اہمیت تخک۔ دیامربھاشاڈیم نا کل کساس خڑچ 1406122 ملین روپئی ءِ ہراٹی پی سی ون ڈغار نا دوئی کننگ و آبادکاری کن 175436 ملین روپئی و ڈیم انا تفنگ کن 479686 ملین روپئی مقرر کننگانے۔ ہندا وڑ ڈیم آ مسکوہی حکومت آتا کنڈآن 2009-10اٹی 86685ملین روپئی خڑچ کننگا۔ ساڑی حکومت 302786 ملین روپئی ڈغار نا ہلنگ و آباد کاری وخت اس کہ ڈیم آ 51555 ملین روپئی خڑچ کرینے۔ حوالی پارے کہ ساڑی حکومت ہائیڈرو پاور پروجیکٹ آ خاص چکار کننگ ءِ وخت اس کہ دا میگا پروجیکٹ ءِ اولیت آتیٹی تخانے۔ مالی سال 2020-21اٹی ڈیم اکن ڈغار نا دوئی کننگ آ 7 ہزار ملین وخت اس کہ تفنگ کن 15500ملین روپئی خڑچ کرینے۔ حکومت داتم اسکان دیامیر کون آ اہم ڈٹ آتیکن 32 ہزار 73 ایکڑ ڈغار دوئی کرینے ہرا ملک انا ودوک آ دیر و توانائی نا گرج ءِ پورو کننگ کن اہم کڑد اس ادا کیک۔ دوئی کروک ڈغار نا ڈٹ اکن درکار 35 ہزار 924 ایکڑڈغار ءِ 90 درسد ءِ۔ دا ڈٹ انا تفنگ آن ہندی مخلوق ءِ روزگار نا وارخواہی ہم دوبننگ ءِ۔
