اسلام آباد۔ 24 جنوری (اے پی پی) پولیو تور پروگرام نا کوآرڈنیٹر ڈاکٹر شہزاد بیگ پارینے کہ سال انا اولیکو پولیوتور مہم نا دوشنبے نادے آن بناءِ کننگانے، مہم اٹی 22.4 ملین چناتے پڑی کنفنگ نا ہدف ءِ مقرر کننگانے، مہم ملک انا 70 خاص انگا ضلع غاتیٹی کننگانے۔ دوشنبے نادے آ تینا بیان اسے ٹی اوپارے کہ 2022نا اولیکو پولیو تور مہم دوشنبے آن بناکرینے ہراٹی 22.4 ملین چناتے پڑی کنفنگ نا ہدف ءِ مقرر کننگانے۔ دا مہم ملک انا 70 خاص انگا ضلع غاتیٹی کننگانے۔ اوپارے کہ اسہ لکھ 50 ہزار آن زیات ورکردامہم اٹی بشخ ہلنگ ءُ۔ پولیو آن بچفنگ نا پڑی تیان چناتا قوت مدافعت اٹی ودکی مریک۔ 2022اٹی تدوک آ سال انا سرسہبی تے برقرار تخنہ۔ ڈاکٹر شہزاد بیگ پارے کہ داسال ہم چیلنج آتا پبی مقابلہ ءِ کننگک۔ 2021اٹی تاریخ نا غٹ آن کم کیس رپورٹ مس۔ ڈاکٹر شہزاد بیگ لمہ و باوہ غاتیان خواست کرے کہ او چناتا آخبت ءِ رکھ کننگ کن پڑی ضرور کنفر۔ رکھی پڑی تیان چناتے مچ آ زند انا معذوری آن بچفنگ مریک۔ جان جوڑی رکھ ہیلپ لائن 1166 آ لمہ و باوہ غاتا راہشونی ءِ کننگک۔ یات سلے کہ خیبرپختونخوا نا 6 ضلع غاتیٹی 17 جنوری آن مہم نا بناءِ کننگاسس۔
