اسلام آباد۔ 24 جنوری (اے پی پی) جسٹس عائشہ ملک سپریم کورٹ نا اولیکو زالبول جج انا حیثیت اٹ سوغند ہرفے۔ دوشنبے نادے آ داڑے سپریم کورٹ اٹی چیف جسٹس آف پاکستان جسٹس گلزار احمد جسٹس عائشہ ملک آن سوغند ہلک۔ سوغندی دود اٹی عدالت عظمیٰ نا جج آک، اٹارنی جنرل و وکیل آک بھلو کچ اسے ٹی بشخ ہلکر۔ یات سلے کہ جسٹس عائشہ ملک داکان مست لاہور ہائی کورٹ اٹی بطور جج تعینات ئسک، جوڈیشل کمیشن نا سفارش آ پارلیمانی کمیٹی ججز تقرری جسٹس عائشہ ملک نا بطور سپریم کورٹ جج تقرری نا منظوری ءِ تسوسس، جسٹس عائشہ ملک نا بطور سپریم کورٹ جج تعیناتی نا منظوری بابت وزارت کانود و انصاف سمری صدر مملکت آ گدریفیسس، صدر مملکت نا منظوری آن پد وزارت کانود انصاف 21 جنوری 2021ء آ جسٹس عائشہ ملک نا بطور سپریم کورٹ جج تعیناتی نا نوٹیفکیشن جاری کریسس۔
