دھکان آنی آمدن ءَ 73 درسد گیشی بوتگ، کورونا  ءَ چہ  کامیاتی ءَ گوں گر ءُ چیل ، نوں گراب بھائی ءَ گوں گر ءُ چیل باں، ما پاکستان ءَ  را  اسلامی گہبودی ریاست  جوڑ  کنگ ءِ  کشک ءَ  رھادگ آں، عمران خان ءِ ” شمے مزن وزیر  شمے گوما” ءَ پسو

اسلام آباد۔23جنوری  (اے پی پی): مزن وزیر عمران خان ءَ گوشت کہ ملک ءَ دھکان آنی آمدن ءَ 73  درسد  گیشی بوتگ، ورلڈ بینک ءَ پاکستان  ءِ معاشی  دیمروئی ءِ کساس 5.37 درسد  گندگ بوتگ،  مئے حکومت ءَ را چار رنگیں ڈکالی  میراس ءَ رستگ انت۔  ما ایشاں چہ  در کپگ  ءَ  کامیات بوتگ انت،کورونا  ءَ  گوں کامیاتی ءَ گوں گر ءُ چیل بوھگ،  نوں گران بھائی ءَ گوں گر ءُ چیل باں، گران بھائی ءِ درستاں چہ مستریں اثر پگار گروکیں تبک ءِ سر ءَ  بوتگ،    محصولات آنی تہ ءَ گیشی ءِ گوما  آوانی پگار ءِ تہ ءَ  گیشی کناں،  منوگری آنی تہ  ءَ  پاکستان ءَ را اسلامی  گہبودی ریاست  ءِ جوڑ کنگ ءِ لیکہ ءِ داتگ،  ما  ھمے کشک ءَ رھادگ آں۔ کورونا ءِ  پنچمی فیز  ءِ ساھت ءَ  کاروبار   ءَ را سرجمیں رنگ ءَ بند نہ کناں۔  یک شمبے ءِ روچ ءَ  ” شمے مزن وزیر شمے گوما”  ءَ جتا  جتائیں جست آنی پسو ءَ دیان ءَ مزن وزیر ءَ گوشت کہ پارلیمنٹ ءَ جست آنی پسو ءَ دیگ لوٹاں بلے آودا این آر او لوٹوں  جاک ءُ کوکار کناں۔ ءُ من ءَ گپ ءَ نئلاں۔ آئی  ءَ گوشت کہ یک ھالتاکے ءِ آرٹیکل ءَ نبشتہ   بوتگ کہ آ دین ءِ پشت ءَ چیر بوھگ ءَ انت۔  من سیاست ءَ  آیگ ءَ چہ پیسر اللہ  پاک ءَ من ءَ ھرچی داتگ بوتگ بلے ایندگر  سیاستدان آناں سیاست ءَ آیگ ءَ چہ پیسر  اچ کس نہ زانتگ بوتگ۔ 25 سال ءَ چہ پیسر اسلامی گہبودی ریاست ءِ  لیکہ ءِ گوما  سیاست ءَ اتک آں،  من اچبر نہ گوشتگ  بوتگ کہ ایشیئن ٹائیگر جوڑ کناں۔ آئی ءَ گوشت کہ  تاں وھدءِ اے ملک ءِ جوڑ کنگ ءِ مول ءُ مراد آنی سر  ءَ نہ بئے ،  کامیات بوت نہ کنئے۔  آئی ءَ گوشت کہ اے  ملک ءَ  جوانیں اھوالکار  ھم است  بلے  لستیں اھوالکار  الس ءِ اندر ءَ مایوسی شنگ کناں۔  گران بھائی  میاں اوستمانی جیڈھ ات ،  وھد ءِما  حکومت ءَ اتکگ آں گڈاکرنٹ اکاونٹ   ڈکال 20 ارب ڈالر  ءَ بوتگ انت  ایشی ءِ سبب ءَ  سرجمیں زورزر ءِ  سر ءَ کپتگ۔  دومی  جیڈھ کورونا ءِ سبب ءَ سامان آنی سپلائیءَ  کمیگ ءَ چہ  گران بھائی ءِ تہ ءَ گیشی بوتگ۔  ایشی ءَ چہ پاکستان ایوک آماچ نہ بوتگ، دگنیا ءِ دیمروئی کنوکیں ملک ھم ایشی ءَ چہ آماچ بوتگ انت۔ کورونا سدانی سال ءِ مستریں  ٹوھیں ھوپ انت،  مئے گامگیج آناں دگنیا ءِ سئے کامیاتیں ملک آنی لڑ ءَ ھوار کنگ بوتگ۔  آئی  ءَ گوشت کہ کورونا  ءِ پنچمی فیز ءَ چہ کامیاتی ءَ در کپاں۔ صدارتی نظام ءِ ھوالگ ءَ آئی  ءَ گوشت کہ   من بندات ءَ راج ءَ گوں گشتانک ءَ  گوشتگ بوتگ کہ اے ملک ءِ ٹوھیں ڈاکو   آں گوں اچ رنگیں  تپاکی  ءُ  منوگری  نہ کناں۔   من ھمے مافیا ءِ ھلاپ ءَ  سیاست ءَ اتکگ آں۔  ایشی ءِ  واستہ  اینآر او ءِ واستہ بلیک میل  کنگ  ءَ انت۔  آئی ءَ گوشت کہ ورلڈ بینک ءَ  پاکستان  ءِ معاشی دیمروئی ءِ کساس 5.37  درسد  پیش داشتگ۔   آئی ءَ گوشت کہ ملک ءَ  دھکان آنی آمدن ءَ 73 درسد گیشی بوتگ۔  سرجمیں دگنیا ءَ گریبی ءِ  تہ ءَ گیشی بوتگ۔  ما  ھم سرجمیں دگنیا ءِ بھر آں۔  پگار گروک باز سکی ساھت آنی تہ ء انت ما آوانی کمک ءَ کناں۔