اسلام آباد۔23جنوری (اے پی پی): مزن وزیر عمران خان ءَ گوشتگ کہ اوگانستان ءَ بنی آدمی ڈکال ءِ ھوالگ ءَ سرپدی ءِ واستہ وتی گوانک ءَ سہرا کناں۔ لوٹاں کہ میاں اوستمانی برات اے جیڈھ ءِ ھوالگ ءَ گامگیج چست بکن انت۔ یک شمبے ءِ روچ ءَ وتی ٹویٹ ءَ : اوگان آنی جان آنی بچارینگ: ءِ ہیش ٹیگ ھم جتگ آءی ءَ وتی ٹویٹ ءَ گوشت کہ اوگانستان ءَ بنی آدمی ڈکالی ءِ بابت ء وتی گوانک ءَ سہرا کناں۔ من لوٹاں کہ الس اوگانستان ءَ پیداک بوھوکیں اے جیڈھ ءِ بابت ءَ سرپدی پیداک کنگ ءِ میاں اوستمانی گامگیج آنی ھمبراہ داری ءَ بکن انت ڈکال ءِ سبب ءَ لکھانی مردم ھاسیں رنگ ءَ زھگ آنی زندمان شد لاپی ءِ آماچ انت۔ گوستگیں روچ ءَ شمبے ءِ روچ ءَ وتی ٹویٹ ءَ مزن وزیر عمران خان ءَ یک رند ءِ پد ءَ میاں اوستمانی برات آنی سر زور پر دات کہ آ اوگان الس آناں زوت بنی آدمی کمک پجاری بکن انت۔ آ ڈکالی ءِ آماچ انت۔ آئی ءَ گوشت کہ زوت اگاں وردن ءُ وراک ءِ بندوبست کنگ نہ بوت گڈا 2 کروڑ 30 لکھ مردم وردن ءُ وراک ءِ ڈکال ءِ آماچ بوت کن انت۔ آئی ءَ گوشت کہ برطانیہ ءَ اے کار ءَ را لیڈ کنگ لوٹ ایت تانکہ اوگان آنی کمک بوت بکنت۔ یونائیٹڈ نیشن ءِ نیمگ َ سال 2022 ءِ واستہ وتی تاریخ ءِ درستاں چہ مستریں چار ارب پجاھ کروڑ ڈالر ءِ اپیل کنگ بوتگ۔
