اسلام آباد۔23جنوری (اے پی پی):چیئرمین پاکستان علماء کونسل ءُ نماھند ھاسیں مزن وزیر پاکستان برائے میاں اوستمانی یکوئی ءُ نیامی رودراتک حافظ محمد طاہر محمود اشرفی ءَ گوشت کہ خلافت ءِ راشدہ ءِ نظام شور ءُ مشوری نظام ات۔ شور ءُ مشور ءَ چہ خلفا ءِ راشدین آں نظام ءَر ا چلائینتگ۔ خلافت راشدہ ءِ نظام بادشاہت ءِ ھلاپ بوتگ۔ سید نا صدیق اکبر ؓسیمینار ءِ موہ ءَ اھوالکار اں گوں تران کنان ءَ کت آئی ءَ گوشت کہ بادشاہت ءَ کیساسگری ءُ انصاف بوت نہ کنت وھدیکہ خلافت ءَ کیساسگری ءُ انصاف بنیات انت۔ مرچی پاکستان ءِ نظام ءِ گہتری ءِ ضلورت انت ءُ ایشی ءِ واستہ توامیں پارٹی آناں یکجائی ءَ سسا کنگ لوٹ ایت۔ پاکستان ءَ نظام ءِ عدل ءَ گہتری ءِ ضلورت انت ءُ ما امیت کناں کہ نوکیں چیف جسٹس صاحب اے نیمگ ءَ ضلور دلگوش کنت۔ سیمینار ءَ گوں گشتانک دیان ءَ گشتانکار چمیئرمین پاکستان علما کونسل ءُ ھاسیں کمکار مزن وزیر حافظ طاہر محمود اشرفی، مولانا محمد خان لغاری ، مولانا سید ضیاء اللہ شاہ بخاری ، مولانا محمد اسلم صدیقی ، علامہ زبیر عابد، مولانا محمد اسلم قاری، مفتی محمد علی نقشبندی، مولانا اسد اللہ فاروق ، مولانا قاری شمس الحق ، مولانا عبد الحکیم اطہر ، مولانا عبد القیوم فاروقی ، مولانا قاری مبشر رحیمی ، مولانا عبد الغفار فاروقی ءُ ایندگر آں گوشت کہ ملک ءَ ناشرکاری ءِ پندل آناں یک مشتی ءَ ناکام کناں۔
