اسلام آباد۔22جنوری (اے پی پی): وزیر ءِ تہی کار شیخ رشید احمد ءَ گوشزت کہ پاکستانی فوج ءُ راج باز دلیر انت، ناشرکاری ءِ استیں واکیہ ءَ چہ راج ءِ دلبڈی ڈگار ءَ کپت نہ کناں۔ ھژدھ جنوری ءَ دو ناشرکار اسلام آباد ءَ جنگ بوتگ انت، ما ناشرکاری ءِ ھلاپ ءَ جنگ ءَ 80 ہزار َ چہ جانی قربانی ءُ 150 ارب ڈالر ءَ چہ گیش مالی تاوان چست کتگ، انشاء اللہ ناشرکار آناں شکست فاش بوتگ، 23 مارچ ءَ او آئی سی ءِ سروک پاکستان ءَ پیداک انت، اپوزیشن 23 مار چئَ جاک ءِ سر ءَ چار ءُ بچار بکنت، پاک چین دوستی ھمالیہ کوہ ءَ چہ برز تر انت ءُ مئےواستہ لائک ءِ پھر انت، دگنیا ءِ اچ طاقت مارا چین ءَ چہ دور کت نہ کنت۔ پاکستان ءِ دیمروئی بھارت ءِ چماں پُٹ ات۔ اے ھیالانی درشانی آئی ءَ شمبے ءِ روچ ءَ وزارت ءِ تہی کار ءِ کانفرنس ہال ءَ پریس کانفرنس ءَ گوں گشتانک دیان ءَ کت۔ وزیر ءِ تہی کار ءَ گوشت کہ او آئی سی ءِ دیوان ءِ ھوالگ ءَ بیست ءُ یک مارچ ءَ چہ لستیں سڑک بند بوت کن انت ھمے واستہ اپوزیشن ءَ چہ دزبندی انت کہ 23 مارچ ءَ را 27 مارچ بکن انت۔ اپوزیشن ءَ کانود ءَ را لگت مال نہ کت گڈا آواناں کس دست نہ جنت۔
