ملتان۔22جنوری (اے پی پی): وزیر ءِ درئی کار مخدوم شاہ محمود قریشی ءَ گوشت کہ کلین اینڈ گرین پاکستان ءِ واب آناں پکوئی رنگ دیگ ءِ واستہ حکومت سولر ھاٹیگ ءِ منصوبگ آنی بنگیج ءَ کنگ ءَ انت۔ اے ھیالانی درشانی آئی ءَ این ایف سی انسٹی ٹیوٹ آف انجینئرنگ اینڈ ٹینالوجی ملتان ءَ 5 سد کلو واٹ سولر ھاٹیگ ءِ منصوبگ ءِ بن ھشت ایر کنگ ءَ پد مراگش ءَ گوں گشتانک دیان ءَ کت۔ آئی ءَ گوشت کہ گلوبل وارمنگ ءِ بیم آناں کم کنگ ءِ واستہ ھاٹیگ ءِ ایندگر در گوں ترندی ءَ کار جاڑی انتءُ اے رد ءَ ہائیڈرو پراجیکٹ ءُ ڈیمز آنی جوڑیشت ءَ چہ سستائیں توان پیداک کنان ءَ راج ءِ ضلورت ءَ را سرجم کنگ ءِ منصوبگ بندی کنگ بوتگ۔ صوبائی وزیر ھاٹیگ ڈاکٹر اختر ملک ءَ اے موہ ءِ سر ءَ تران کنان ءَ گوشتگ کہ پنجاپ حکومت ءَ 29 یونیورسٹی آناں سولر ھاٹیگ ءِ سر ءَ ٹرانسفر ءِ بنگیج کنگ بوتگ ایشی ءِ پد ءَ فیزآنی تہ ءَ کار جاڑی انت۔
