دبئی ۔29اکتوبر (اے پی پی)  راجی  ٹیمب ءِ جوانیں بیٹس مین آصف علی ءَ یک رند ءِ پد  ءَ پاکستان  ءَ را باج برئی  ءِ سیم سر آں سر کت آئی ءَ فنیشر ءِ  پنام  ءَ را راست  سہرا کت۔  آدینگ ءِ روچ ءَ دبئی ءَ اوگانستان ءِ ھلاپ ءَ  میچ ٹی ٹونٹی ورلڈ کپ ءِ  ارزشتی ایں میچ ءَ وھد ءِ  وھد ءِ بابر اعظم ءُ شعیب ملک ءِ وکٹ یکے ءَ چہ  پد ایندگر بکپ انت گڈا  پاکستان  ءِ ٹیمب  پریشر ءِ تہ ءَ اتکگ ات۔ پاکستان ءَ را 24 تگ پکار ات،  اےساھت ءَ شاداب خان ءَ 18 ھژدھمی  اوور ءِ گڈی بال ءَ رن کشگ ءِ کوشست کت پدا ھم آصف علی  ءَ آئی  ءَ را  رن  کشگ ءَ چہ  نیشت۔ ایندگر اوور ءَ آصف علی ءَ 6  بال ءِ سر ءَ اوگان بائولر کریم جنت ءَ را 4 چار چھکہ  جت ءُ پاکستان ءَ را 19 نوزدھمی اوور ءَ باج برئی دات۔ یات دارگ بہ بیت کہ آصف علی ءَ تی ٹونٹی ورلڈ کپ  ءَ نیوزی لینڈ ءِ ھلاپ ءَ  میچ   ءَ  ھم سئے چھکہ جتگ ءُ پاکستان ءَ را باج برئی ءَ ارزشتی ایں  کرد پیلو کتگ  بوتگ۔ آصف علی ءَ را  جوانیں بیٹنگ کنگ ءِ پد ءَ میچ ءِ جوانیں لیبی  نامینگ بوت۔