اسلام آباد۔6اکتوبر (اے پی پی): مزن وزیر عمران خان ءَ گوشت کہ حکومت گران بھائی ءَ چہ لس مردم ءِ آماچ بوھگ ءِ ھوالگ ءَ جوانی ءَ گوں سرپد انت، چاگرد ءِ ھمزوریں تبک ءِ واستہ حکومت ٹارگٹڈ سبسڈیز دیگ ءَ انت۔ اے ھیالانی درشانی آءی ءَ چار شمبے ءِ روچ ءَ وتی سروکی ءَ احساس پروگرام ءِ چیر دستی ءَ چارگرد ءِ ھمزوریں تبک ءِ واستہ ٹارگٹڈ سبسڈیز ءِ پجاری ءِ ھوالگ ءَ برجم داشتگیں دیوان ءَ گوں گشتانک دیان ءَ کت۔ دیوان ءَ ڈاکٹرثانیہ نشتر ءَ مزن وزیر ءَ را احساس پروگرام ءِ چیر دستی ءَ گریبی ءِ آماچیں ھاندان آناں ٹاگٹڈ سبسڈیز پجاری کنگگ ءِ بابت ءَ سرپد کت۔ مزن وزیر ءَ گوشت کہ حکومت ءَ را لس مردم ءَ را گران بھائی ءَ چہ رسوکیں سکی ءُ مشکل آنی احساس انت ھمے ھاترا چاگرد ءِ ھمزوریں تبک ءَ را ٹارگٹڈ سبسڈیز پجاری کنگ بیت۔ مزن وزیر ءَ گوشت کہ کامیات پاکستان جان سلامتی کاٹ ، احساس پروگرام استیں حکومت ءِ جوانیں منصوبگ ات ایشی ءِ مول ءُ مراد چارگرد ءِ گریبیں تبک ءِ کمک کنگ انت۔ مزن وزیر ءَ پنت ءُ شونگ کت کہ لس مردم ءَ را ٹارگٹڈ سبسڈیز ءِ در جنگ ءِ بابت ءَ کار رپک آنی ھوالگ ءَ سرپدی پجاری ءِ واستہ ٹوھیں سرپدی پروگرام بندات کنگ بیت۔ دیوان ءَ را گوشگ بوت کہ احساس پروگرام ءَ نیشنل آف پاکستان ءِ شریکداری ءَ چہ یک موبائل ایپ ءِ تیار کتگ ایشی ءِ وسیلگءَ سرجمیں ملک ءَ احساس پروگرام ءِ چیر دستی ءَ بزگر آناں ھمروچگیں وردن ءُ وراک آناں پجاری کنگ بیت۔ دیوان ءَ را گوشگ بوت کہ احسا پروگرام ءِ چیر دستی ءَ ٹارگٹڈ سبسڈیز ءِ غلطیں رنگ ءَ کارمرزی ءَ را گر ءُ دار ءِ واستہ کار رپک سہرا کنگ بوتگ۔ دیوان ءَ وزیر ءِ ھزانگ شوکت فیاض ترین، وزیر ءِ دیمپانی پرویز خٹک، بنجاھی وزیر اھوالکاری ءُ شنگ کاری فواد حسین چوہدری ، مزن وزیر ءِ ھاسیں کمکار شہباز گل ءَ ابید گورنر سٹیٹ بینک ڈاکٹر رضا باقر ، صدر نیشنل بینک ءُ کلانہ ایں کارندہ ساڑی اتنت۔
