اسلام آباد۔6اکتوبر (اے پی پی): مزن وزیر عمران خان ءَ گوں وزیر برائے نیشنل فوڈ سیکورٹی اینڈر یسرچ (این ایف ایس آر) سید فخر امام ءَ گند ءُ نند کت۔ گند ءُ نند ءِ ساھت ءَ مزن وزیر ءَ را پُکی (کپاس) ، گندم ، چاول ، شکر کانڈیل ءُ مکئی ءِ کشار ءِ پیداوار ءِ ھوالگ ءَ انوگ ءَ تاں استیں دلبڈی ھال آنی بابت ءَ سئیگ ءُ سرپد کت۔ مزن وزیر ءَ را گوشگ بوت کہ 30 ستمبر 2021 ءَ تاں پاکستان ءَ پُکی ءَ 38.5 ملین گانٹھ ءِ پیداوار در جتگ، وھدیکہ گوستگیں سال ءَ ھمے وھد ءُ پاس ءَ 27 ملین گانٹھ در جنگ بوتگ۔ مزن وزیر ءَ را گوشگ بوت کہ ما گندم ، چاول ، شکرکانڈیل ءُ مکئی ءِ پیدوار ءَ گوستگیں سال ءِ پیداواری ھساب ءُ داد یک شل ءَ 2705 ملین ٹن 8.4 ملین ٹن ءَ چہ باآسانی ءَ گیش کناں۔ مزن وزیر ءَ وزارت ءِ وردن ءُ واراک ءِ کار کرد ءَ را ساڑات ءُ امب ءُ ایندگر فروٹ (سڑس فروٹ) آنی ڈن ءَ روان دیگ ءِ آ روان دیگی سیم سر آنی تہ ءَ 150،000 ٹن ءُ 463،000 ٹن در جنگ ءِ جزمیگ انت۔ مزن وزیر ءَ کشت ءُ کشار ءِ شوبگ ءَ تاریخی نمبگ ءُ برآمدی سیم سر آنی در جنگ ءِ واستہ سیادی داروکیں کارندہ آنی کوشست آناں ساڑات۔
