اسلام آباد۔6اکتوبر (اے پی پی):ربیع الاول1443ھ ءِ نوک ءِ چارگ ءِ واستہ زونل ءُ ضلعی ہلال کمیٹی ءِ دیوان باندار پنچ شمبے ءِ روچ ءَ 7 اکتوبر ءَ بیت۔ وزارت ءِ نیک راھی کار ءِ نوٹیفکیشن ءِ رد ءَ بنجاھی رویت ہلال کمیٹی ءِ چیئرمین مولانا محمد عبدالخیر آزات ءُ وزارت ءِ نیک راھی کار ءَ برجم بوھوکیں اسلام آباد زون ءِ کمیٹی ءِ دیوان ءِ سروکی ءَ کنت وھدیکہ ایندگر زونل ءُ ضلعی ہلال کمیٹی آںی دیوان وتی وتی سیادی داروکیں ھند آں بنت۔ نوک ءِ چارگ ءِ ھوالگ ءَ جار مرکزی نوک چاری کمیٹی ءِ چیئرمین لولانا محمد عبدالخیر آزات سرجمیں ملک ءَ رستیں گواہی آنی رد ءَ جار ءَ جنت۔
