اسلام آباد۔6اکتوبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ مزن وزیر عمران خان چیئرمین نیب ءِ پوسٹنگ ءِ واستہ شہباز شریف ءَ گوں شور ءُ مشور نہ کنت، مئے سہرائیں بن گپ ءُ لیکہ انت کہ اپوزیشن ءَ گوں شور ءُ مشور بیت بلے شہباز شریف ءَ گوں ناں، اگاں شہباز شریف ءَ را شوک انت لیڈر آف اپوزیشن ءَ گوں شور ءُ مشور بہ بیت گڈا وتی اپوزیشن لیڈر ءَ مٹ بہ کنت۔ شہباز شریف نیب ءِ ملزم انت۔ آئی ءَ گوں شور ءُ مشور ءِ لوٹ انچوش انت کہ گوشے دز ءَ چہ جست گرگ بہ بیت کہ تئی تھانیدار کئے بہ بیت۔ چار شمبے ءِ روچ ءَ بنجاھی وزیر کانود فروغ نسیم ءِ ھمبراھی ءَ پریس کانفرنس ءَ گوں گشتانک دیان ءَ کت بنجاھی وزیر اھوالکاری ءَ گوشت کہ مئے مول ءُ مراد نیب ءِ کیس آناں گڈی سیم سر آں تاں سر کنگ انت۔ نوکیں گیشینتگیں کانود ھما وھد ءَ کانود جوڑ بیت وھد ءِ صدر مملکت ایشی ءِ سر ءَ دست چنگل جنت۔ آئی ءَ گوشت کہ اے آرڈیننس ءِ دومی بھر ایکٹ ھم است بیت، ما آرڈیننس ءِ سر ءَ اپوزیشن ءِ گوما شور ءُ مشور کناں، اپوزیشن ءَ را دعوت دیگ ءَ آں کہ اگاں آ گیش مٹ ءُ بدلی یا وتی لیکہ دیگ لوٹاں گڈا آ مارا پجاری بکن انت۔ ما پارلیمنٹ ایکٹ ءِ چیر دستی ءَ ریفارمز کاراں ۔ آئی ءَ گیش تران کت ءُ گوشت کہ وزارت ءِ کانود ءَ اولی رند ءَ ایف بی آر ءَ را دزگیر کنگ ءِ مستری داتگ۔
