ریاضی منطق ءِ بنیات انت، استاد ءُ مات ءُ پت سائنس  ءُ  ریاضی ءِ  سبجیکٹ ءَ زھگ آنی  اندر ءَ واھشت پیداک کنگ ءِ واستہ دلبڈی  بدینت، صدر مملکت ڈاکٹر عارف علوی ءِ  سائنس ءُ ٹیکنالوجی ، انجینئرنگ  ءُ  ریاضی ءِ ھوالگ ءَ  وانگ ءُ زانگی منصوبگ ءِ بنگیج مراگش ءَ گوں گشتانک

اسلام آباد۔6اکتوبر  (اے پی پی): صدر ءِ مملکت ڈاکٹر عارف علوی ءَ گوشت کہ ریاضی  منطق ءِ بنیات انت، استاد ءُ مات ءُ پت  سائنس ءُ ریاضی ءِ سبجیکٹ ءَ زھگ آنی گیش واھشت دارگ  پیداک  کنگ ءِ واستہ  آوانی دلبڈی ءَ بکن انت، پاکستنا ءَ سائنس ءُ ریاضی ءِ سر ءَ کم دلگوش دیگ بوھگ ءَ انت، ضلوری انت کہ  سائنس ءُ ٹیکنالوجی ، انجینیئرنگ  ءُ ریاضی ءِ شوبگ ءَ ھاسیں دلگوشی دیگ بہ بیت۔  صدر ءِ مملکت  ءَ اے ھیالانی درشانی آئی ءَ چار شمبے ءِ روچ ءَ ادا ایوان  ءِ صدر ءَ  سائنس ءُ ٹیکنالوجی،  انجینئرنگ  ءُ ریاضی ءِ ھوالگ ءَ وانگ ءُ زانگی منصوبگ  (سٹیم) ءِ بنگیجی مراگش ءَ گوں گشتانک  دیان ءَ کت۔  مراگش ءَ بنجاھی وزیر سائنس ءُ ٹیکنالوجی سینیٹر شبلی فراز، بنجاھی وزیر وانگ ءُ زانگ  ءُ کزبی کار ءُ ھیل کاری  شفقت محمود، صوبائی وزیر خیبر پختونخوا شہرام ترکئی، پاکستان سائنس فائونڈیشن ءِ چیئرمین ڈاکٹر شاہد بیگ، سیکرٹری وزارت  سائنس ءُ ٹیکنالوجی ڈاکٹر اختر نذیر  ءُ ایندگر  سروک  آں بھر زوری کت۔