اسلام آباد۔6اکتوبر (اے پی پی): تہی کارانی وزیر شیخ احمد ءِ سروکی ءَ نیشنل ایکشن پلان ءِسرءَ عمل درآمد کنگ ءِ ہوالگءَ چارء ُتپاسی دیوان چارشمبے ءِ روچءَ نیشنل ایکشن پلان ءِ سیکریٹریٹ فاٹا گس ءَ بوتگ۔ تہی کارانی وزارت ءِ نیمگ ءَ ہ جاری بیان ءِردءَ دیوان ءَ تہی کارانی سیکرٹری یوسف نسیم کھوکھر ءَ ہوار ہمگرنچیں ادارگانی نمائدگاں ابید آزاد جموں کشمیر ء ُ گلگت بلتستان ءَ ہوار چاریں صوبہ آنی چیف سیکرٹریز ء ُ آئی جی ہوار بوتگ اَنت۔ دیوان ءَ نیشنل ایکشن پلان ءِ سرءَ عمل درآمد کنگءِ ہوالگءَ بازیں سرءُسوجانی چارءُتپاسی کنگ بوتگ ۔ دیوان ءَ چاریں صوبہ، جموں و کشمیر ، گلگت بلتستان ء ُ اسلام آباد انتظامیہ ءِ نزیکی ءَ را گہتر جوڑ کنگ ءِ سرءَ زور پر دیئگ بوتگ۔
