اسلام آباد۔6اکتوبر (اے پی پی): مزن وزیر عمران ک خان ءَ گوشت کہ استیں حکومت ءِ دور ءَ ادارگ آزات انت، مردم شماری ءِ واستہ توامیں سیادی داروکیں پریک آنی دل یکیمی زورگ بیت، الیکٹرانک ووٹنگ مشین گچین کاری کار ءَ ساپ ءُ سلہ بیار انت۔ آئی ءَ اے ھیالانی درشانی متحدہ قومی موومنٹ ءِ ڈل ءَ گوں تران کنان ءَ کت ایشی ءِ تہ ءَ چار شمبے ءَ ادا مزن وزیر ءَ گوں گند ءُ نند کت۔ ڈل ءَ بنجاھی وزیر انفارمیشن ٹیکنالوجی سید امین الحق، خالد مقبول صدیقی ءُ سینیٹر فیصل سبزواری ھوار اتنت۔ گند ءُ نند ءَ بنجاھی وزیر منصوبگ بندی اسد عمر ھم ساڑی ات۔ گند ءُ نند ءُ مردم شماری ءُ سندھ ءَ جاڑیگیں بنجاھی حکومت ءِ دیمروئی منصوبگ آنی سر ءَ ھیال ریچی کنگ بوت۔ مزن وزیر ءَ گوشت کہ استیں حکومت ءِ دور ءَ ادارگ آزات انت، مردم شماری ءِ واستہ توامیں سیادی داروکیں پریک آناں دل یکیمی زورگ بیت، الیکٹرانک ووٹنگ مشین گچین کاری کار ءَ ساپ ءُ سلہ ئی کار ایت، پاکستان ءَ الیکٹرانک ووٹنگ مشین ءِ گچین کاری کار آنی سر ءَ پازیٹیو رند پد آنی بابت ءَ سرپدی دیگ ءِ ضلورت انت۔
