اسلام آباد۔6اکتوبر (اے پی پی): بنجاھی وزیر برائے منصوبگ بندی دیمروئی ءُ گہتری کار ءُ ھاسیں گامگیج اسد عمر ءَ گوشت کہ پاک چین اقتصادی راہداری سی پیک ءِ سر ءَ سرجمیں دگنیا ءِ نگاہ انت، ھمے ھاترا بازیں دمگ آناں اے نہ وش لگ ایت، ایشی ءِ ھوالگ ءَ پہ کسد ءُ کینگ اے منصوبگ ءِ بابت ءَ ردئیں ھال تران شنگ ءُ تالان کن انت۔ سی پیک ءِ ھوالگ ءَ اچ چیراندریں وام پر نیست، ایندگر ملک آںی رد ءَ چین ءَ چہ سستائیں وام رستگ۔ سی پیک ءِ رد ءَ ملکی وام آنی گیش بوھگ ءِ ھال رد انت۔ سی پیک منصوبگ ساپ ءُ سلہ این ات ءُ ایشی ءِ نگرانی ءَ پارلیمان کنگ ءَ انت۔ توان ءِ منصوبگ ءُ ٹیرف ءِ مالومداری نیپرا ءِ ءِ کرا ساڑی ءُ است انت۔ اے ھیالانی درشانی آئی ءَ چار شمبے ءِ روچ ءَ مزن وزیر ءِ ھاسیں کمکارا برائے سی پیک کار خالد منصور ءِ گوما پریس کانفرنس ءَ گشتانک دیان ءَ کت۔
