اسلام آباد۔6اکتوبر (اے پی پی): وزیر ءِ درئی کار مخدوم شاہ محمود قریشی ءَ گوشت کہ پاکستان ،یورپی یونین ءِ گوما یکوئی آناں ھاسیں ارزشت دیاں، اے گپ آئی ءَ چیئرمین ، پاکستان۔ یورپی یونین فرینڈ شپ فیڈریشن، پرویز اقبال لوسر ءَ گوں تران کنان ءَ کت آئی ءَ چار شمبے ءَ وزارت ءِ درئی کار ءَ آئی ءَ گوں گند ءُ نند کت۔ گند ءُ نند ءِ ساھت ءَ ڈن ملک ءَ نندوکیں پاکستانی آنی جاور ھال آں ھوار وت مہ وتی واھگی کار آنی سر ءَ ھیال ریچی کنگ بوت۔ شاہ محمود قریشی ءَ گوشت کہ یورپی ملک آں پاکستانی آنی مزنیں کساس ءَ ڈن ملک ءَ نندوک انت اے دو نیمگی یکوئی آناں برجم کنگ ءَ ارزشتی ایں کرد ءِ پیلو کنگ ءَ انت۔ ڈن ملک ءَ نندوکیں پاکستانی کمیونٹی ءِ گہبود مئے اولی ترجی داتگیں کار آنی تہ ءَ ھوار انت۔ آئی ءَ گوشت کہ منی ھاسیں پنت ءُ شون ءِ پد ءَ سرجمیں دگنیا ءَ مئے سفارت خانہ، ڈن ملک ءَ نندوکیں پاکستانی آنی گہبود ءُ ایشانی استیں جیڈھ آناں زوتی ءَ گوں گیواری ءِ واستہ کوشست کنگ ءَ آں۔ پرویز اقبال لوسر ءَ وزیر ءِ درئی کار ءَ را پاک۔ ای یو فرینڈ شپ فیڈریشن ءِ کار کرد ءِ ھوالگ ءَ سرجمیں بریفنگ ءِ دات۔
