اسلام آباد۔5اکتوبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ اپوزیشن جلسہ آنی تہ ءَ گریوگ ءِ مٹ ءَ پارلیمنٹ ءَ وتی کرد ءَ پیلو بکنت، شہباز شریف وت نیب ءِ ملزم انت، آواں گوں جست ءُ پرس کنگ ءَ پد چیئرمین نیب اپوائنٹ کنگ انچوش سما بیت کہ دز ءَ را جست گرگ بہ بیت کہ تئی تپشیشی کئے بہ بیت، چیئرمین نیب ءِ پوسٹنگ ءِ واستہ شہباز شریف ءَ گوں شور ءُ مشور نہ کناں، گہتر بہ بیت کہ اپوزشن وتی لیڈر آف اپوزیشن ءَ مٹ بہ کنت، چیئرمین نیب ءِ ھوالگ ءَ آرڈیننس باندات کئیت، پینڈورا پیپرز ءِ ھوالگ ءَ مزن وزیر چار ءَ تپاسی کمیشن ءِ چیر دستی ءَ جوڑیں سیل آف شور کمپنی ءِ کانودی بستار ءِ چار ءُ تپاسی گرگ ءَ پد گامگیج چست کنت، ھپتمی مردم شماری کانودی ءُ کانود ءِ رد ءَ کنائینگ بیت، ایشی ءِ تہ ءَ نوکیں ٹیکنالوجی ءِ کارمرز کنگ بیت، 3 ءَ بگر تاں 13 ربیع الول ءَ تاں دھ روچ ءَ رحمت اللعالمین برجم دارگ بیت۔ سردی ءِ موسم ءَ گیس ءِ کمیگ پیلو کنگ بیت ءُ مردم آناں ریلیف پجاری کنگ بیت۔ اے ھیالانی درشانی آئی ءَ سئے شمبے ءِ روچ ءَ بنجاھی کابینہ ءِ دیوان ءَ چہ پد میڈیا ءَ را بریفنگ دیان ءَ کت۔
