راولپنڈی ۔5اکتوبر (اے پی پی):چیف آف آرمی سٹاف جنرل قمر جاوید باجوہ ءِ سروکی ءَ 244 کور کمانڈر ز کانفرنس سئے شمبے ءَ جی ایچ کیو ءَ برجم دارگ بوت۔ کانفرنس ءَ بارڈر منیجمنٹ ءُ توکی سلامتی ءِ سر ءَ ھاسیں دلگوشی ءِ گوما پڑ ءَ سیکورٹی ءِ سہرا بوھوکیں جاور ھال آنی سر ءَ چار ءُ تپاسی گرگ بوت۔ پاک فوج ءِ شوبگ آئی ایس پی آر ءِ رد ءَ کور کمانڈر کانفرنس ءَ پاکستان بے ایمنی ءِ دست مانجنی ءُ ناشرکار آنی کتگیں گامگیج آنی بابت ءَ سرپد کنگ بوت۔ کانفرنس ءَ بھارتی فوج ءِ نیمگ ءَ بدنیتی ءِ رد ءَ پروپیگنڈا آنی سر ءَ نوٹس زوران ءَ پاکستان ءِ دمگی سالمی ءِ رکھینگ ءِ واستہ توامیں ضلوریگیں گامگیج چست کنگ ءِ جزم ءِ درشان کت۔ آرمی چیف ءَ فارمیشن ءِ آپریشن تیاری ءُ ھیل کاری آنی سر ءَ دلگوش ءَ ھوار گیر ملکی ارد آنی گوما کمک ءُ آپریشنل ناشرکاری ءِ شوبگ آنی تہ ءَ یکجائی ایکسرسائز آنی برجائی ءَ را ساڑات۔
