اسلام آباد۔5اکتوبر (اے پی پی): سینیٹ ءِ چیئرمین محمد صادق سنجرانی ءَ گشتگ کہ پاکستان ء ُ قزاخستان ءِ نیام ءَ گہتریں معاشی سیادی ءَ چہ دونیمگی کمک گیش بیت، معاشی ءُ بیپاری نزیکی ءَ چہ دمگ ءِ دیمروئی ہم گیش بیت۔ اے گپ آئی ءَ قزاخستان ءِ سفیر یرزحان کستافن ءَ گوں گپء ُتران کنانءَ کتگ کہ آیاں سے شمبے ءِ روچءَ مزن گس ءَ یکے دومی ءَ گوں گند ءُنندکتگ۔ گندءُنند ءَ پاکستان قزاخستان دونیمگی کمک ، مزن گسی ءُ بیپاری تک ءَ یکے دومی ءِ گورءَ ڈل دیم دیئگ ءِ سرءَ ھیال ء ُ لیکہ ءِ درشانی کنگ بوتگ۔ سینیٹ ءِ چیئرمین ءَ گشتگ کہ پاکستان ءُ قزاخستان ءِ نیام ءَ براتیں ء ُ دوستیں سیادی مئے دری کارانی پالیسی ءِ حاسیں بر اَنت ، سینیٹ ءِ تہا قزاخستان، پاکستان دوستی گروپ اَست اِنت کہ آئی ءِ وسیلگءَ دوئیں ملک آنی نیامءَ مزن گسی سیادی ءَ را گیش محکم کنگ بوت کنت۔ سینیٹ ءِ چیئرمین ءَ سفیر ءِ ھاترءَ نیکیں واہگانی درشانی کتگ۔
