اسلام آباد۔5اکتوبر (اے پی پی): راجی اسمبلی ء ِ ڈپٹی اسپیکر قاسم خان سوری ءَ گشتگ کہ زھگ مئے راج ءِ باندات اَنت، آیانی حکانی رکینگ حکومت ءِ اولی دلگوشی اِنت، زھگانی گوما جوانیں تب ءُ میئل ءَ پیش آیگ آیانی زانت کاریاں گیش کنت۔ سے شمبے ءِ روچءَ راجی کمیشن برائے چائلڈ رائٹس ءِ چیردستی ءَ بوتگیں ورکشاپ ءِ باسکاں گوں تران کنان ءَ کتگ ۔ آئی ءَ گشتگ کہ مئے نبی خاتم النبیین صلی اللہ علیہ وسلم ءَ زھگانی گوما مہر ء ُ نرمی ءَ پیش آیگ ء ُ آیانی حکاناں پیلو کنگ ءِ سکین ء ُ پنت ء ُشون کتگ، زھگانی جوانیں وانگ ء ُ زانگ جوانیں رودینگ پہ چاگردءِ تہا آیاناں جوانیں بستار دیئگ ءَ المی اِنت۔ قاسم خان سوری ءَ گشتگ کہ مزن وزیر عمران خان ءِ سروکی ءَ استیں حکومت زھگانی ھکانی رکینگ ءِ ھاترءَ حاسیں گامگیج چست کنگ ءَ اِنت، سٹریٹ چلڈرن ءَ وانگ جاہ آں سرکنگ حکومت ءِ اولی دلگوشی ءِ بر اِنت۔ آئی ءَ گشتگ کہ مزن گسءَ گوں زھگانی گوما زور ء ُ زبردستی ءِ ہلاس کنگ ءِ ھاترءَ زینب الرٹ بل پاس کتگ، سرجمیں دنیاءَ زھگ زورزبردستی ءِ آماچ اَنت، اے وڑیں زھگ نیزگاری ءِ سوب ءَ مزدوری کنگ ءَ مجبور اَنت آیاناں وانگ جاہ آں سرکنگ ءِ ھاترء َ وظیفہ دیئگ بوہگ ءَ اِنت، نیشنل کمیشن برائے چائلڈ رائٹس ءَ را قانود سازی ءِ ہوالگءَ مز ن گسی تک ءَ ہرچ وڑیں کمک کنگ بیت۔ آئیءَ پنتءُ شون کتگ کہ راجی کمیشن برائے چائلڈ رائٹس باندات جوڑ کنوکانی حکانی رکینگ ءُ آیاناں گہتریں وانگ ءُ زانگ اھیل کاری ءِ ھاترءَ جوانیں رھبند جوڑ بہ کنت۔
