کوئٹہ۔5اکتوبر (اے پی پی):این سی او سی ءِ داتگیں پنت ءُ شون ءِ رد ءَ صوبائی دارلحکومت کوئٹہ ءِ جتا جتائیں وانگ ءُ زانگی ادارگ آنی نودربر آناں کورونا وائرس ءَ چہ رکھینگ ءِ ویکسین جنگ ءِ کار جاڑی انت۔ سئے شمبے ءِ روچ ءَ محکمہ جان سلامتی بلوچستان 1122 ریسکیو ٹیمب ءِ نیمگ ءَ گورنمنٹ گرلز ڈگری کالج شاہراہ کالج شاہراہ گلستان ءَ 600 نودربر آناں کورونا وائرس ءَ چہ رکھینگ ءِ وسیکسین جنگ بوتگ ایمرجنسی ریسکیو ٹیمب ءِ سروک عبدالقیوم ءَ “اے پی پی” ءَ را گوشت کہ ٹیمب 28 ستمبر ءَ چہ اے ادارگ ءِ نودربر آناں ھمک روچ ءِ بنیات ءَ ویکسین جنگ ءَ انت۔ ادارگ ءَ 5 ہزار نودربر آناں ھما کہ ویکسین جنگ ءَ تیار انت ءُ انوگ ءَ تاں 600 نودربر آناں ویکسین ءِ اولی ڈوز جنگ بوتگ وھدیکہ ایندگر نودربر ھم ویکسین جنائینگ ءَ انت۔
