اسلام آباد۔5اکتوبر (اے پی پی):صدرمملکت ءَ 29 ستمبر ءَ ضلع ٹانک ءُ 25 ستمبر ءَ کوئٹہ ءَ شہید بوھوکیں ورنا آنی گس ءِ مردم آں گوں رابطہ کت ءُ شہید آناں آوانی داتگیں قربانی ءُ دلیری ءِ پد ءَ توسیپ ءُ ستا پیش کت۔ صدر عارف علوی ءَ 25 ستمبر ءَ بلوچستان ءِ ضلع ہرنائی ءَ شہید بوھوکیں ورنا آنی گس ءِ مردم آباں ٹیلی فون کت۔ آئی ءَ کیپٹن سکند ر سہیل ءُ سپاھی محمد عرفان ءِ گس ءِ مردم آناں ٹیلی فون کت۔ صدر مملکت ءَ سپاھی ماجد فرید، سپاھی حسنین رحمت ءِ گس ءِ مردم آں گوں گپ ءُ تران کت۔ آئی ءَ سپاھی ذاکر حسین ءُ سپاھی محمد سلیم ءِ گس ءِ مردم آں گوں گپ ءُ تران کت ءُ شہید ءَ را آئی ازمت ءُ مزن جگری ءَ را توسیپ ءُ ستا پیش کت۔ صدر عارف علوی ءَ شہید آنی درجگ آنی برز ءُ بلندی ءُ گس ءِ مردم آنی واستہ سگ ءُ اوپار کشی ءِ دعا ءِ نیک کت۔
