اسلام آباد۔4اکتوبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ استیں پاکستان میڈیا ڈویلپمنٹ اتھارٹی بل ءِ مسل آناں توامیں اسٹیک ہولڈرز آنی شور ءُ مشور ءَ چہ پکو کنگ بوتگ، وزارت ءِ اھوالکاری ءُ شنگ کاری پی ٹی وی پالیمنٹ ءَ را یک شلی ءَ گوں شنگ ءُ تالان ءَ را تجارتی بنیات ءَ چلائینگ ءُ شنگ کنگ لوٹ ایت، پی ٹی وی سپورٹس ءِ شنگ ءُ تالان ءَ را ایچ ڈی کنگ بوھگ ءَ انت، پی ٹی وی ازمکاریں امیت وار آناں جوانیں موہ پجاری کنگ ءَ انت، گوستگیں حکومت ءَ پی ٹی وی ءَ سیاسی بنیات آنی رد ءَ گری ضلوریگیں بھرتی کنگ بوتگ۔ اے ھیالانی درشانی آئی ءَ دو شمبے ءِ روچ ءَ سینیٹ ءِ قائمہ کمیٹی برائے اھوالکاری ءُ شنگ کاری ءِ دیوان ءَ کت۔ سینیٹ ءِ قائمہ کمیٹی ءِ دیوان کمیٹی ءِ چیئرمین سینیٹر فیصل جاوید ءِ سروکی ءَ پارلیمنٹ گس ءَ برجم دارگ بوت۔ دیوان ءَ 2 اگس 2021 ءَ برجم بوھوکیں کمیٹی ءِ دیوان ءِ سپارش آنی پد ءُ رند ءِ ھوالگ ءَ رپوٹ آنی سر ءَ چار ءُ بچار کنگ بوت۔
