اسلام آباد۔ 04 اکتوبر (اے پی پی) وزیراعظم عمران خان سرسہب پاکستان پروگرام نا بناءِ کرے۔ دوشنبے نادے آ او اسلام آباد اٹی اڈ ہلوک آ دود اٹی داپروگرام نا بناءِ کرے، سرسہب پاکستان پروگرام ملک اٹی نیزگاری نا چٹفنگ اٹ اہم ءُ کڑد اس ادا کیک۔ داپروگرام نا رداٹ چانڑدہ سد ارب نا وام 37 لکھ اُراتے تننگک۔ سرسہب پاکستان پروگرام نا پنچ بشخ ءُ۔ سرسہب بزغرنا کمک اٹ بزغرآتے بے سود آن وام تننگک۔ سرسہب کاروبار پروگرام نا رداٹ کاروبار کن پنچ لکھ اسکان بے سود وام تننگک۔ اڑزآن اُرااسکیم نا رداٹ تینا اُرانا جوڑ کننگ کن آسان قسط آتیا فنانسنگ نا آسراتی مریک۔ حکومت پاکستان نا سرسہبی اٹ برجا فنی مہارت اسکالر شپ اسکیم و جان جوڑی انصاف کارڈ ءِ سرسہب پاکستان پروگرام تون منسلک کننگک۔
