وزیرداخلہ شیخ رشید احمد نا مفتی تقی عثمانی تون اوڑدہی ٹی گپ وتران

کراچی۔ 04 اکتوبر (اے پی پی) وزیرداخلہ شیخ رشید احمد پارینے کہ حکومت دین اکن مدرسہ غاتا خذمت ءِ بھاز قدر انا نظراٹ ہُرک۔ داخیال آتا درشانی ءِ او دورہ کراچی ٹی دارالعلوم آ بننگ نا وخت آ پنی آ عالم دین و صدر وفاق المدارس مفتی تقی عثمانی تون اوڑدہی ٹی گپ وتران کرساکرے۔ وزارت داخلہ نا کنڈآن جاری بیان نا رداٹ اوڑدہی ٹی مدرسہ و نظام تعلیم تون اوار اوغانستان نا باندات آ گپ وتران کننگا۔ وزیرداخلہ شیخ رشید احمد پارے کہ مسیت و مدرسہ غاک اسلام نا مینارک ءُ، اسلام نا تبلیغ اٹ مدرسہ غاتا کڑد بھاز اہم ءِ۔ اوپارے کہ حکومت مدرسہ غاتا دینی خذمت آتے بھاز قدر انا نظراٹ ہُرک۔ مفتی تقی عثمانی داوخت آ گپ وتران کرساپارے کہ اوغانستان نا ساڑی آ حالیت آتیا حکومت پاکستان نا موقف درست ءِ۔ وزیرداخلہ پارے کہ دنیا طالبان حکومت ءِ وخت و وسیلہ فراوان کے، حالیت آک گچین مریرہ۔