اسلام آباد۔ 04 اکتوبر (اے پی پی) وزیرخزانہ شوکت ترین پارینے کہ زرگزرانی شونداری کن پالیسی تا چرجوئی المی ءِ، اولیکو وار نیزگار و نیامی تپہ ءِ شونداری نا سفر اٹ اولیت تننگانے، سرسہب پاکستان پروگرام مدینہ نا ریاست نا کنڈآ اہم ءُ گام اسے۔ دوشنبے نادے آ داڑے سرسہب پاکستان پروگرام نا بناء نا وخت آ دود آن تران کرسا وزیرخزانہ شوکت ترین پارے کہ پائیدار شونداری کن سیونگ نا کچ، برآمد آتے ودفنگ تون اوار ایلو گام گیج آتے کننگ انگ ءِ، وزیراعظم نیزگار بندغ آتے بھرم تے سرکننگ کن ننے پارت کرے، زرگزرانی شونداری کن زرگزرانی پالیسی تا چرجوئی المی ءِ۔ اوپارے کہ بھلا بینک آک چنکو وام تننگ کپسہ، مائیکرو فنانس بینک و این جی اوز 30، 40 سال آن چنکو وام تننگ ءُ، اوفتا ریکوری 99 درسد آن زیات ءِ، 3 سال اکن کاروبار کن 5 لکھ روپئی تننگ والا اُن، کشارگر آتے ہم ہنداوڑ وام تننگ انگ ءِ ، اخوت 70 ہزار روپئی تننگ والا ءِ، کشارگرآتے ہم ہنداوڑ وام تننگ انگ ءِ، اخوت 70 ہزار روپئی وام تسکہ، اولیکو وار نیزگار و نیامی تپہ ءِ شونداری نا سفر اٹ اولیت تننگا، جان جوڑی کارڈ نا بھلا پروگرام بناکننگانے، ہر شاری ءِ دوئی مریک، ہراُراغان اسہ بندغ ءِ ٹیکنیکل تعلیم ایتنہ، نن خوانہ کہ مخلوق ءِ اوفتا نت تیا سلفن، ننے مڈل مینی آن نیزگار الس ءِ کشوئی ءِ۔ وزیرخزانہ پارے کہ داپروگرام الس نا درگہ غا ہنسا پیسہ ایتنہ، مہالو مخلوق وام اکن بینک آتیا ہناکہ، نن 14 ارب روپئی نا وام ایتنہ، سرسہب پاکستان پروگرام آن شیفکو تپہ تینا نت تیا سلک و دااسہ انقلابی ءُ پروگرام اس مریک۔ داوخت آ وزیراعظم نا خصوصی کمکار امور نوجوانان عثمان ڈار پارے کہ سرسہب پاکستان پروگرام آن ملک اٹ نیزگاری ٹی کمتی بریک، ملک اٹ مائیکرو لونز اٹ مشکلات ئسر، نزور تپہ ءِ پیسہ اسکان رسینگ الوکہ، آسودہی ریاست نا کنڈآ اسہ اہم ءُ گام اسے ، داپروگرام روزگار کن ایندھن نا کڑد ءِ اداکیک، ٹیکنیکل تعلیم نا بھاز گرج ئس، داپروگرام اوٹی ہم کڑد ادا کیک، داپروگرام نا رداٹ 5 لکھ روپئی اسکان وام تننگک، داپروگرام آن ملک اٹ نیزگاری ٹی کمتی بریک۔ دود آن تران کرسا پوسکن آ پاکستان ہاؤسنگ اتھارٹی نا چیئرمین لیفٹیننٹ جنرل انور علی حیدر پارے کہ داپروگرام آن کم خڑچ اُراتا تفنگ اٹ ودکی مریک، داپروگرام نا رداٹ پروگرام اس وضع مسنے، نجی بشخ بھلو کچ اسے آ داکاریم اٹ لگانے، داپروگرام ہاؤسنگ اسکیم ءِ بدل کرسا ہلک، ہرافتا تینا اُرانا جوڑ کننگ مشکل ئس داسہ ممکن مریک۔
