اسلام آباد۔ 04 اکتوبر (اے پی پی) خصوصی کمکار جان جوڑی ڈاکٹر فیصل سلطان پارے کہ جان جوڑی آسراتی پروگرام حکومت نا اسہ انقلابی ءُ پروگرام اسے۔ جان جوڑی آسراتی پروگرام نا دنگ ءِ مچ آ ملک اسکان ودفینن۔ داخیال آتا درشانی ءِ خصوصی کمکار جان جوڑی ڈاکٹر فیصل سلطان نا کماشی ٹی جان جوڑی آسراتی پروگرام نا اہم ءُ دیوان اسے ٹی کرے۔ ویڈیو لنک آ وزیر جان جوڑی پنجاب یاسمین راشد و خیبرپختونخوا نا وزیر تیمور ظفرجھگڑائسک ہم بشخ ہلکر۔ دیوان اٹی بنجا و صوبہ غاتا نمائندہ غاک ہم بشخ ہلکر۔ اوپارے کہ جان جوڑی آسراتی پروگرام نا دنگ ءِ مچ آ ملک اسکان ودفینن۔ داسہ اسہ ہم غریب اسے تینا درمان کن درپہ در نا ٹھوکر کنوئی تمپک۔ ڈاکٹر فیصل سلطان پارے کہ یونیورسل ہیلتھ کوریج نا رداٹ فاٹا تھرپارکر خیبرپختونخوا ، آزاد جموں و کشمیر نا غٹ مخلوق ءِ ہیلتھ کارڈ نا رداٹ مفت درمان نا آسراتی دوئی ءِ ۔ پنجاب نا ہفت ضلع غاتا مخلوق ءِ ہم یونیورسل ہیلتھ کوریج نا رداٹ غٹ مخلوق ءِ مفت درمان نا آسراتی دوئی ءِ۔ اسلام آباد گلگت بلتستان نا غٹ آخبتی ہنکینی تے جنوری 2022آن ہیلتھ کارڈ انا آسراتی ملک۔ اوپارے کہ مچ آ ملک اٹی 19 ملین خاہوت ءِ جان جوڑی انصاف کارڈ انا رداٹ درمان نا مفت آسراتی دوئی ءِ۔
