مچ آ ملک اٹی 24 گھنٹہ ٹی 52 ہزار 415 کورونا ٹیسٹ کننگا، وزارت قومی جان جوڑی

اسلام آباد۔ 04 اکتوبر (اے پی پی) مچ آملک اٹی 24 گھنٹہ ٹی 52 ہزار 415 کوروناٹیسٹ کننگانے۔ وزارت قومی جان جوڑی نا کنڈآن جاری ٹویٹ اٹ شیئر کروک آ حساب وکتاب نا رداٹ تدوک آ 24 گھنٹہ ٹی 52 ہزار 415 کورونا ٹیسٹ کننگانے ہرافتیان 1490 بندغ آتا کورونا ٹیسٹ مثبت بسنے۔ ہنداوڑ تدوک آ 24 گھنٹہ ٹی کروک آ کورونا ٹیسٹ آتا مثبت نا کچ 2.84 درسد ئس۔ داکان بیدس داوخت آ کورونا دین انا سوب آن زوال کروک آتا کچ 27 ریکارڈ کننگانے۔