اسلام آباد۔ 04اکتوبر (اے پی پی) وزیر مملکت حوالکاری وشینکاری فرخ حبیب پارینے کہ وزیراعظم عمران خان نا تغ ریاست مدینہ نا وڑآ آسودہی نظام، زرگزرانی شونداری و شونہال الس ءِ، کچ اٹنگا وسیلہ والا 37 لکھ خاہوت ءِ 1400 ارب آن زرگزرانی وڑاٹ تینا نت تیا سلفنگ کن سرسہب پاکستان پروگرام نا بناءِ کننگانے، داڑآن نیزگاری نا چٹفنگ، محروم تپہ غاتے واکدار کننگ اٹ کمک رسینگک۔ دوشنبے نادے آ تینا ٹویٹ اٹی وزیر مملکت فرخ حبیب پارینے کہ سرسہب بزغر نا کمک اٹ بزغرآتے بے سود آن وام تننگک، سرسہب کاروبار پروگرام نا رداٹ کاروبار کن پنچ لکھ اسکان بے سود آن وام تننگک، اڑزآن اُرااسکیم نا رداٹ تینا اُرانا جوڑ کننگ کن آسان قسط آتیا فنانسنگ نا آسراتی فراوان کننگ انگ ءِ و فنی تعلیم و جان جوڑی انصاف کارڈ ہم سرسہب پاکستان پروگرام نا بشخ اسے۔
