اسلام آباد۔ 04اکتوبر (اے پی پی) پی آئی اے کویت کن فلائٹ آپریشن نا دوارہ بناءِ کرینے۔ پی آئی اے نا ترجمان عبداللہ خان نا کنڈآن دوشنبے نادے آ جاری بیان نا رداٹ پاکستانی جہاز و پائلٹ آتیا کویت پابندی خلکوسس۔ پابندی نا سوب آن قومی ایئر لائن نا جہاز آک کویت آ ہِننگ کتورہ وخت اس کہ کویتی ایئرلائن نا جہاز آک پاکستان آ بسرہ۔ ترجمان پارے کہ پی آئی اے نا کنڈآن باندات ءِ اول سفارتی کہول آ چست کننگا و حکومت پاکستان و سول ایوی ایشن نا زور آ پی آئی اے ءِ ہم کویت آپریشن نا موکل ملانے۔ پی آئی اے تیناآپریشن نا بناءِ ہفتہ وار اِرا جہاز آتیان کننگ ءِ۔ پی آئی اے نا چیف ایگزیکٹیو آفیسر ایئرمارشل ارشد ملک داگام آ بنجائی وزیر ہوابازی غلام سرور خان، سیکٹری ایوی ایشن و سول ایوی ایشن کمامدارآتا خصوصی منت واری ءِ ہرفینے۔ ایئرمارشل ارشد ملک تینا اسہ ٹویٹ اسے ٹی پارینے کہ وزارت خارجہ کویت اٹ پاکستانی سفیر و پاکستان اٹ کویتی سفیر نا خاص کوشست آتیان آپریشن ءِ ترتیب تننگ اٹ کمک رسینگانے۔ اومستی پارے کہ پی آئی اے پورو جانفشانی اٹ پاکستانی شاری تا کمک و خذمت ءِ برجاتخک۔
