فیصل آباد۔3اکتوبر (اے پی پی): وزیر ءِ مملکت اھوالکاری ءُ شنگ کاری فرخ حبیب ءَ گوشت کہ حکومت ءَ الس ءَ را جوانیں ءُ سستائی سامان آنی پجاری ءِ واستہ یک سالے ءَ یوٹیلیٹی سٹورز کارپوریشن ءَ را 24 ارب کلدار ءِ سبسڈی داتگ وھدیکہ 1 کروڑ 24 لکھ بزگر یں ھاندان آناں سستائیں سامان آنی پجاری ءِ واست5ہ ٹارگٹڈ سبسڈی ءِ بنگیج کنگ بوھگ ءَ انت ایشی ءَ ابید کامیات جوان پروگرام ءَ چہ پد کامیات پاکستان پروگرام ءِ چیر دستی ءَ 5 لکھ کلدار ءِ بے سُتیں وام پجاری ءَ چہ معیشت ءِ سر ءَ پازیٹیو رند پد سہرا بیت۔ یک شمبے ءِ روچ ءَ عثمان گارڈرن احمد آباد فیصل آباد ءَ یوٹیلیٹی سٹور ءِ بنگیج ءِ رد ءَ برجم داشتگیں مراگش ءَ گوں گشتانک دیان ءَ آءی ءَ گوشت کہ مئے دمگ دومی دمگ آنی رد ءَ پشمندگ انت ءُ ادا لستیں آسراتی والائیں مردم نشتگ انت بلے مئے کوشست انت کہ ادا مردم آناں توامیں نیمونگ ءِ ریلیف پجاری بہ بیت۔
