اسلام آباد۔3اکتوبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ پانامہ پیپرز ءَ دگنیا ءِ ٹوھیں کرپٹ مردم آنی ڈن ملک ءَ چیریں ماڑی ءُ میراس آناں سہرا کتگ، نوں گوشگ بوھگ ءَ انت کہ آئی سی آئی جے ءِ یک پٹ ءُ پول ءِ دیم ءَ سہرا بوھگ ءَ انت، عمران خان ءَ امیر ملک آنی سر ءَ زور پر داتگ کہ گریب ملک آں چہ دزئی کتگیں زر امیریں ملک آنی تہ ءَ چیر دیگ ءَ را ایر د گرگ بہ بیت، یک شمبے ءِ روچ ءَ وتی یک ٹویٹے ءِ تہ ءَ آئی ءَ گوشت کہ پانامہ ءِ وڑیں پنڈورا لیکس ءَ ءَ گریب ملک آنی زر آناں ڈن ملک ءَ ٹرانسفر کنگ ءِ سرجمیں ھال اتکگ انت گڈا ایشی ءَ چہ مزن وزیر عمران خان ءِ بن گپ ساپ ءُ سہرا ءُ راست بیت۔ آءی ءَ گوشت کہ مارا امیت انت کہ اے پٹ ءُ پول ھم پانامہ پٹ ءُ پول ءِ وڑیں ساپ ءُ سلہ ائی ءِ نوکیں کشک ءُ کرپشن ءِ دست پنجگ کنگ ءَ کمکار سہرا بیت۔
